MGA AWITIN NG PAG-IBIG



Dito sa Korea kung ating papansinin maraming pinagtagpo ng di nila inaasahan. May naging magkasintahan na kahit sa guni-guni ay di man lang naisip na ang taong kaharap ay makakasama habambuhay.Sari-saring kuwento ng pag-ibig ang maririnig mula sa mga bibig ng ating mga kaibigan. Minsan nga nagtataka tayo kung bakit ang batang lalaki ay nakatagpo ng matandang babae.Kundi naman ang batang babae ay nagkaroon ng katuwang sa buhay na matandang lalaki.

Kapag dumarating ang pagdiriwang ng "Valentine's Day" agad pumapasok sa ating isipan na pagdiriwang ito sa tungkol sa mga nilalang na nag-iibigan.

Kung susubukang buksan at bisitahin ang website ng www.eradioportal.com at kung i click naman ang Love Notes na ang host ay ang tanyag na si Joey Mango, nakakaaliw at nakakagulat dahil tinatalakay dito ang iba't-ibang suliranin hinggil sa Pag-ibig. Kaya nga kadalasan sa tuwing napapakinggan ang mga hinaing ng nagpadala , tiyak maibubulalas na bawat nilalang pala ay may kanya-kanyang kuwento't kasaysayan ng buhay Pag-ibig. Minsan nga may mga nagsasabing "Sana dalawa ang puso ko", "We have the right love at a wrong time", "Bakit ngayon ka lang" at "Forever is not enough".

Totoong ang bawat kasaysayan ay may simula subalit bago makarating sa katapusan ng kwento ay daraan muna sa tinatawag na climax na kung saan dito matatagpuan ang tunay na sangkap at nilalaman upang ganap na maunawaa't maintindihan kung anong nais ipahiwatig sa karamihan.

Kahalintulad ng mga kababayan natin na nasa Pilipinas ang mga nandito sa Korea ay mayroon ding suliranin subalit mas masahol pa dahil ang iba'y matatawag na ilegal. MInsan naman ang theme song nila ay "Sana bukas pa ang kahapon" "Bukas na lang kita mamahalin" o di kaya'y
"Kung ako'y iiwan mo".

Sa ating paglalakbay ay di talaga maiiwasan ang mga hilahil at balakid sa buhay datapwat kung mahigpit lamang at mayroon din tayong awiting pinanghahawakan tiyak tuluyang malalampasan ang mga pagsubok na ito. Gaya ng "Lead me Lord", "Take me out from dark my Lord", "Ang Panginoon ang aking Pastol" o di kaya'y ang mga Salmo ni Haring Solomon, at kung alam natin ang ipinapahiwatig ng mga awiting ito marahil ngingiti ka nalang dahil paglingon mo sa likuran ang mga tukso ay tiyak nakasimangot at galit na galit dahil di ka niya nahila sa kasalanan.

Marahil kung batid lamang natin ang mga lyrics ng bawat napapanahong awitin, lalung-lalo na sa panahon ng pag-aalinlangan at kalituhan ito siguro ang magdadala sa atin tungo sa kaligtasan ng ating mga sarili. At kung malalampasan ang mga pagsubok na ito nakakatiyak ang bawat isa na walang kaguluha't pakakahiwalay na mangyayari.

KUNG PAGBIBIGYAN MO SANA AKO

Kung pagbibigyan mo sana ako
Tiyak na di ka magsisisi at mabibigo
Dahil di naman ako mahilig magbiro
Nawa ilagay sa isipan na ito'y totoo.

Subukan mong paikutin ang mundo
Balikan natin ang lugar ng ating pagtatagpo
Noon at ngayon ikaw lamang minahal ko
Dahil matagal na kitang pinipintuho.

Ang buhay ay iniaaalay sa iyo
At kahit hilingin mo pa ang kabuuan nito.
Kung sakaling mamahalin mo ako
Ipagkakaloob ito ng buong-buo.

Ngayon kung ituturing na mahal din ako
Hayaan mong mamutawi sa bibig ko
Na ngayon at kailanman itutulad kita sa ginto
Isang bagay na mamahaling elemento.

Kung bakit ganito ang pagtingin sa iyo
Marahil Diyos lamang makapagbubulong nito
Walang pagkukunwaring inihalo
Dahil napakataas pagpapahalaga sa iyo.